一個月通知期
係公司工作左9個月長工想唔做 通知期係咪要不少於一個月
同埋點解成日都話僱傭協商 根本就係僱主單方面提出要求
例如一星期返幾多日(eg. 5days) 返幾多個鐘(eg.11hrs/day)
食幾耐飯(1hrs) 要幾點食(eg.返12:30pm 3pm叫你食飯 4pm返黎直踩11:30pm收工)
無勞工假無年假無主動幫你供強積金
(強積金係我工作第三個月時佢同我講唔洗供 我無諗咁多
到工作第四個月時我問佢唔係一定要供架咩 佢先同我講話你要供可以幫你供
之後以為佢會攪唔見佢攪 第五個月時我再問佢又叫我影印身分證
攪黎攪去好似唔想攪咁 我見唔多錢就由佢 見到都煩 佢地咁樣有無違法?)
我知道好多人會講你唔鐘意咪唔好做囉 但返左2個幾月後我先知乜都無
係疫情底下我都惟有做住先
但到我而家想唔做 公司先同我講要一個月通知期
我地無簽過任何合約 所有野都係我問佢地先講 我都係想唔做姐
已經咁多不合理既事我都算 點解仲要一個月通知期
請問是否合理?