事情發生係咁嘅，我喺2023年1月搬貨嘅時候拉到條腰，啪咗一下，
跟住第二日隻腳就開始痛，痛到行唔到，
報咗工傷，睇咗骨科醫生，話有椎間盤突出，
之後我就轉咗去公立醫睇，因為平啲唔使咁大負擔
到2024年8月，公司嘅勞工保險公司搵咗公證行聯繫我，睇吓我情況點樣，
呢段期間隻腳一直都會有痛，屁股同大髀都會痛，
到今年2024年10月，公立骨科醫生話適合判傷
公證行開咗個和解係60萬（未扣除按期付款）
而去咗勞工處交假紙嗰時佢排咗判傷期係12月，
有幾個問題想問，希望師兄們能以經驗解答：

1.勞工處判傷百分比，係咪理論上都會比勞保安排嘅醫生百分比低？
2.假如我接受佢嘅和解嘅話，程序上係要幾時復工？
係咪簽果刻起就已經斷晒病假？定係剩低落嚟嗰啲日子轉做正常嘅 有薪病假？
3.咁啱判傷果日，同複診 係同一日，如果我反對判傷結果，係咪即係要自己再去keep住睇醫生續病假？
一路睇到第二次判傷結果？

我個情況係有啲複雜嘅，
因為公司出嘅按期付款係full pay，
所以對比返嘅話，判傷結果出嚟嗰個數應該唔夠cover，
而家就係糾結緊，應唔應該接受和解？
我知道太多字希望各位師兄體諒