by Wong Kin wa 
, Saturday, August 21, 2021, 18:36 (971 天前)
想問一下 我剛剛8月9日覆完診 醫生寫假紙比我由8月9日到9月6日,僱主發放4/5工資係咪由我拎左假紙後即日出比我?
問題1:我公司佢就話問過保險公司只可以14日咁出,唔可以一次過出晒!
問題2:由於公司由本月9日發放4/5工資比我去到21日,照計我到23日再問公司出糧比我,公司就覆我話其實係一個月內出比我都無問題!但一早我已經同老細講好晒點安排出糧!!
因為我份工原先都係每個禮拜出糧的!!求解答!!
by Wong Kin wa , Saturday, August 21, 2021, 19:27 (971 天前) @ Wong Kin wa
或者咁問,本月8月9日至9月6日之間一個月,公司應該是一次性發放工傷病假工資還是14日咁出?還有的是公司話佢地有權係一個月內出?真的嗎?
by 車厘子 , Monday, August 30, 2021, 10:42 (963 天前) @ Wong Kin wa
多謝 閣下查詢。
按《僱傭條例》第V部「工資的支付」第22條「工資期」規定，根據僱傭合約須支付工資的工資期須當作為1個月，直至相反證明成立為止。
第22條「工資的支付日期」規定
工資在工資期最後一天完結時即到期支付，須在切實可行範圍內盡快支付，但在任何情況下不得遲於工資期屆滿後7天支付。
僱主如故意及無合理辯解而不支付欠薪的利息給僱員，可被檢控，一經定罪，最高可被罰款 1 萬元。 僱主如故意及無合理辯解而不依時支付工資給僱員，可被檢控，一經定罪，最高可被罰款 35萬元及監禁 3 年。
除非閣下的僱傭合約早已於入職之時，清楚明確訂明一個月當中享有兩個工資期，否則，單從依法例原文而言，一個月為一個完整工資期。故此，僱主不但要依時出糧，同時都要「出足全糧」，就閣下情況，應與公司協商。