我係兼職，418係其中一個月滿足咗418條件而有勞工假所以有薪？意思係咪即係逐個月計？

假日薪酬
如僱員在緊接法定假日之前已按連續性合約受僱滿 3 個月，便可享有假日
薪酬。僱主最遲須於法定假日後的第一個發薪日支付假日薪酬給僱員。

你可以返工十年，係某個法定假期，當你宣稱係有錢有隻時，就需要數返轉頭去驗證，回顧返你之前係唔係已經「連續性合約受僱滿 3 個月」

記住，原文係「按連續性合約受僱滿 3 個月」，而唔係「按連續性合約『連續』受僱滿 3 個月」

法例上點樣去屆定一個月，係30日定係31日，係唔會咁寫的。但係，係通知期條文入面有講

6.以通知終止合約的情況

(4)就本條而言，月 (month)指由發出終止僱傭合約通知之日起計，或由僱傭開始之日起計(視屬何情況而定)，至下個月份同一日的前一日終結時的一段期間，如下個月份並無同一日，或如發出通知或僱傭開始之日為一個月的最後一日，則至下個月份最後一日終結時的一段期間。

多謝 閣下的查詢。根據《僱傭條例》，僱員如連續受僱於同一僱主4星期或以上，而每星期最少工作18 小時，他的僱傭合約便屬「連續性合約」(俗稱4.1.18)。所有僱員，不論服務年資的長短，均可享有12天法定假日(勞工假)，如僱員在緊接法定假日之前已按連續性合約受僱滿3個月，便可享有假日薪酬。

簡單來說，要享法定假日薪酬必須在假期前已按連續性合約受僱滿三個月，並非其中一個月滿足4.1.18，而是受僱期內要有三個月是滿4.1.18。

如需進一步協助，請致電「港九勞工社團聯會」權益熱線 2779 3766 儲先生/邱先生/嚴小姐/陳小姐/何先生聯絡。
以上觀點謹供參考，意見會因當事人提供的資料是否清晰而有所影響。